Tuesday, 24 November, 2020    |    २०७७ मंसीर ९ गते , मंगलवार

“एमसीसीको सशक्त प्रतिरोध गर्ने चिनियाँ प्रोफेसरको चेतावनी’’


२०७७ कार्तीक २१ गते , शुक्रवार प्रकाशित





काठमाडौं । चीनको हबेई युनिभर्सिटीस्थित नेपाल अध्ययन केन्द्रका निर्देशक प्रोफेसर चाङ सुविनले अमेरिकाले मिलेनियम च्यालेन्ज कर्पोरेसन (एमसीसी) लाई चीनको बेल्ट एण्ड रोड इनिसियटिभ (बीआरआई) लाई काउन्टर गर्ने हतियार बनाए चीनले एमसीसीको सशक्त बिरोध गर्ने बताएका छन् । एसियन इन्टिच्युट अफ डिप्लोमेसी एण्ड इन्टरनेसनल रिलेसनले आयोजना गरेको नेपाल–भारत–चीन सहकार्य सम्बन्धी एक सेमिनारमा बोल्दै उनले नेपाल सरकार र नेपाली जनताले राष्ट्रिय हितलाई केन्द्रमा राखेर बुद्धिमतापूर्वक निर्णय लिने अपेक्षा आफूहरुले गरेको बताए ।


उनले भने – यदि अमेरिकाले वास्तवमा नै एमसीसी मार्फत नेपालको पूर्वाधार निर्माणमा सहयोग गर्न चाहेको हो भने नेपालका साथीहरुको एमसीसीले नेपालको सार्वभौमसत्ता र आर्थिक विकासमा पार्न सक्ने असर सम्बन्धी चिन्तालाई सम्बोधन गर्नका लागि यसलाई आवश्यक संशोधन गर्दा सजिलो हुन्छ । उनले नेपालले कुनै सम्भावित हानी नगर्ने सबै मुलुकको आर्थिक सहयोगबाट फाइदा लिने विश्वास समेत व्यक्त गरे । उनले अगाडि भने – तपाईंहरुलाई लाग्छ, एमसीसी तपाईहरुका लागि राम्रो छ, यसलाई स्वीकार गर्नुस्, राम्रो छैन भन्ने लाग्छ भने कुनै हिच्किचाहट बिना अस्वीकार गर्नुस् । मलाई लाग्छ, यस सम्बन्धमा श्रीलंकाले नेपालका लागि एउटा उदाहरण पेश गरेको छ ।


कार्यक्रममा बोल्दै अमेरिकाको हावर्ड विश्वविद्यालय अन्तर्गतको हावर्ड एसिया सेन्टरका अनुसन्धानकर्ता अनुसार उनले नेपाललाई सबैभन्दा पहिला आफ्नो राष्ट्रिय लक्ष्य पहिल्याएर भारत र चीन दुबैसँग सहकार्य गर्न सुझाव दिएका छन् । उनले भने( भारत र चीनका बीचमा नेपाल रहेको छ । बिश्वमा हेर्ने हो भने साना मुलुकहरुले पनि राम्रो आर्थिक बिकास गरेर शक्ति आर्जन गरेका छन् । उदाहरणका लागि बेल्जियम र सिंगापुरलाई हेर्न सकिन्छ !
श्रोत : समाजवादटिभी  

लोकप्रिय

img-4.gif

सम्बन्धित समाचार


Leave a Comment

9f5e7db1d677b1906a34b1e17e0be317.gif