Saturday, 24 October, 2020    |    २०७७ कार्तीक ८ गते , शनिवार

सत्ता इतरका २१ बाम संगठनले राष्ट्रघात, जनघात र जनतन्त्रका मुद्दालाई लिएर आज मण्डलामा बिरोध जनाए


२०७७ आश्विन २९ गते , विहीवार प्रकाशित



काठमाडौं । नेपालका २१ बाम पार्टीहरु र संगठनहरुले सरकारका राष्ट्रघाती र जनविरोध  गतिविधिका विरुद्ध आज  काठमाडौंको माइतीघर मण्डलामा विरोध प्रदर्शन गरेका छन् । अपरान्ह १ बजेदेखि शुरु भएको प्रदर्शनमा  २१ दलका ५/५ जनाका दरले  जम्मा १०५ जनाको उपस्थिति थियो । १ घण्टासम्म एमसीसी खारेज गर्न माग गर्दै नाराबाजी भएको थियो । सहभागीहरुले सरकारबाट भइरहेका भ्रष्टाचारजन्य गतिविधिहरुका साथै  राष्ट्रघातका सवालमा समेत खबरदारी गर्दै नाराबाजी गरेका थिए । 


एमसीसीको खारेजीका साथै  नेपालको वास्तविक नक्साअनुसारको भूभाग हासिल गर्ने र भारतद्वारा गरिएका नयाँ अतिक्रमणको विरोध पनि गरेका थिए । साथै  कोभिड–१९ मा सरकारबाट भएका भ्रष्टाचार, गैरजिम्मेवारीपन आदिको विरोध, निःशुल्क उपचारको व्यवस्था, भोकमरीबाट पीडित जनताका लागि खाद्यान्नलगायतका न्यूनतम आवश्यकताको परिपूर्ति, अविलम्ब रोजगारीको व्यवस्था, बलात्कार र हत्याजस्ता अपराध नियन्त्रण र अपराधीमाथि कारवाही आदिको माग पनि विरोध  प्रदर्शनमा गरिएको थियो । 


प्रदर्शनमा  राष्ट्रियता, जनतन्त्र र जनजीविका लगायतका विषयमा कार्यगत एकता गर्दै आएका पार्टी तथा संगठनहरुमा  नेकपा (मसाल),  नेकपा (क्रान्तिकारी माओवादी), . नेकपा (माले),  राष्ट्रिय जनमोर्चा, नेपाल, देशभक्त जनगणतान्त्रिक मोर्चा, नेपाल, नेपाल कम्युनिस्ट पार्टी, नेकपा (माओवादी केन्द्र), राष्ट्रिय जागरण मञ्च, जनसमाजवादी पार्टी,  नेकपा (संयुक्त), राष्ट्रिय जागरण परिषद्, नेपाल, वैज्ञानिक समाजवादी कम्युनिस्ट पार्टी, नेकपा (बोल्शेविक), राष्ट्रवादी केन्द्र, नेपाल, एमसीसी खारेज अभियान, पुष्पलाल अध्ययन समाज, सर्वहारावादी कम्युनिस्ट पार्टी (माओवादी), मार्क्सबादी एकता अभियान, नेपाल,  नेकपा (मार्क्सवादी), नेकपा मार्क्सवादी (पुष्पलाल) र नेकपा (माओवादी) रहेका थिए ।


कोरोना भाइरसको प्रकोप बढ्दै गएको बेला बाम पार्टीहरुले एउटा संगठनबाट ५ जना मात्र उपस्थित भएर स्वास्थ्य नियमको पालना गर्दै बिरोध जनाएका हुन् ।

लोकप्रिय

img-4.gif

सम्बन्धित समाचार


Leave a Comment

9f5e7db1d677b1906a34b1e17e0be317.gif