Monday, 06 July, 2020    |    २०७७ असार २२ गते , सोमवार

अश्वेत फ्लोइडको हत्याका बिरुद्ध प्रदर्शन, अमेरिकामा सेना परिचालन गरिने


२०७७ जेष्ठ २० गते , मंगलवार प्रकाशित

   अमेरिकाभर विभिन्न शहरहरूमा हिंसात्मक प्रदर्शन, दङ्गा र लुटपाट भइरहेका बेला त्यसको अन्त्यका लागि  अमेरिकी राष्ट्रपति डोनल्ड ट्रम्पले हजारौं सेना र प्रहरीलाई परिचालन गर्ने बताएका छन्।
    अमेरिकामा प्रहरी हिरासतका क्रममा एक अफ्रिकी अमेरिकी निहत्था व्यक्ति जोर्ज फ्लोइडको हत्यालाई लिएर देशभर प्रदर्शनहरू भइरहेका बेला उनले यस्तो बताएका हुन्।
    फ्लोइडको हत्याको घटनाले अमेरिकाभर स्थितिलाई निकै नै  अशान्त  बनाएको छ।
    आज टेलिभिजनमार्फत् सम्बोधन गर्दै उनले भने, “दङ्गाबाट हाम्रो अति विपन्न समुदायका शान्तिप्रेमी नागरिकहरू सबैभन्दा पीडित भएका छन् र राष्ट्रपतिका हैसियतले म उनीहरूलाई सुरक्षित राख्नका लागि सक्दो गर्छु ।’’
    ट्रम्प टेलिभिजनमार्फत् सम्बोधन गरेपछि  ह्वाइट हाउसबाट नजिकै रहेको एउटा गिर्जाघरसम्म सुरक्षाकर्मीसाथ पैदलै गएका थिए। उक्त गिर्जाघरमा प्रदर्शनका क्रममा क्षति पुगेको बताइनछ ।
    वाशिङ्गटनमा ह्वाइट हाउसबाहिर प्रदर्शन गर्ने प्रदर्शनकारीलाई प्रहरीले तितरवितर पारेको थियो।
      राष्ट्रपति ट्रम्पले देशभर प्रहरीको बर्बरताविरुद्ध भएका हिंसात्मक प्रदर्शनहरूमा राज्यका गभर्नरहरूलाई  हाबी हुन आह्वान गरेका छन्।
    एक भिडिओ सम्मेलनमा ट्रम्पले दशकौंमा भएको एकदमै खराब अशान्त अवस्थाका बीच गभर्नरहरूले चालेका कदमहरु निकै कमजोर देखिएको बताएका छन् ।

न्यूयोर्कमा कर्फ्यू 

यसैबीच, न्यूयोर्कका गभर्नर एन्ड्र्यू कोमोले हिंसा हुन नदिन भन्दै न्यूयोर्कमा राति ११ बजेबाट कर्फ्यू लाग्ने घोषणा गरेका छन्।
    यतिबेला अश्वेत अमेरिकी नागरिक फ्लोइडको हत्याका कारण अमेरिकामा मात्रै नभइ केही यूरोपेली देशहरू खाशगरी बेलायत र जर्मनीमा पनि विरोध प्रदर्शन भइरहेका छन्।
    यूरोपमा स्पेनको बार्सिलोनाबाहेक बृटेन र बर्लिनस्थित अमेरिकी दूतावासबाहिर पनि मानिसहरूले प्रहरीको दमनलाई लिएर विरोध प्रदर्शन गरिरहेका छन्।
    एक गोरा पुलिसले घुँडामा घाँटीमा थिचेकोले फ्लोइडको हत्या अक्सिजनको कमीका कारण भएको एउटा निजी पोष्टमार्टम परीक्षणले पत्ता लगाएको समाचार प्रकाशमा आएको छ ।

    फ्लोइडको परिवारका तर्फबाट परीक्षक रहेका चिकित्सकले उनको निधन मिनियापलिसका प्रहरी अधिकारीले गर्दन र ढाडमा थिचेका कारण भएको बताएका हुन्।   उक्त परीक्षणमा देखिएको कुरा प्रारम्भिक रुपमा देशका स्वास्थ्य परीक्षकले पत्ता लगाएका कारणभन्दा फरक देखिएको बताइएको छ ।
  पहिला गरिएको परीक्षणमा “अक्सिजनको कमी वा घाँटी दबाएका कारण“ भन्ने प्रमाण पत्ता नलागेको बताइएको थियो।
    एक सरकारी ती अधिकारीले फ्लोइडको हत्या हुनमा उनको पहिल्यैदेखिको स्वास्थ्य अवस्था कारण रहेको पनि बताएका थिए।
    तर फ्लोइडको परिवारले राखेका दुई चिकित्सकले भने मृत्यु नभइ हत्या भएको पत्ता लागेको कानुनी टोलीले विज्ञप्तिमा जनाएको छ।

    न्यूयोर्कका पूर्व परीक्षक डाक्टर माइकल बाडेनले पत्रकार सम्मेलनमा भने, “मेरो विचारमा हत्याको कारण घाँटीमा दबाइएकाले भएको हो ( त्यसले अक्सिजनलाई दिमागमा जान रोक्छ ( र ढाडमा दबाउँदा सास फेर्न गाह्रो हुन्छ।“
    एक साताअघि देखापरेको भिडिओमा एकजना श्वेत प्रहरीले जोर्ज फ्लोइडले सास फेर्न गाह्रो भयो भनेर अनुरोध गर्दा पनि गर्दनमा निरन्तर रुपमा घुँडाले थिचिरहेको देखिन्छ। उक्त घटनाले देशभर अशान्त अवस्था बनाएको छ।
    अमेरिकाका विभिन्न सहरमा छैठौँ दिन पनि प्रदर्शनहरू भइरहेका छन् र दशकौँमा यो स्तरमा अशान्ति नदेखिएको बताइएको छ।

    चिकित्सक बाडेनले फ्लोइडको मृत्यु हुनेगरी अन्य कुनै खालको स्वास्थ्य समस्या नरहेको पनि बताए।
    फ्लोइडको परिवारका वकिलले मानिसलाई नियन्त्रणमा लिने तरिकामा सुधार गरेको भए फ्लोइडको जीवन बचाउन सकिने भन्दै त्यसका लागि मिनियापलिसको प्रहरी कार्यालयलाई आरोप लगाएका छन्।  

लोकप्रिय

img-4.gif

सम्बन्धित समाचार


Leave a Comment

9f5e7db1d677b1906a34b1e17e0be317.gif