Wednesday, 25 November, 2020    |    २०७७ मंसीर १० गते , बुधवार

मदरसालाई अनुदान बढाउन मुस्लिम अगुहरुको सरकारसँग माग


२०७७ जेष्ठ ४ गते , आईतवार प्रकाशित

शहबाज खान      कपिलवस्तु । विश्वव्यापी महामारीको रुप लिएको नोबेल कोरोना भाइरसबाट बच्न र बचाउनको लागि देशभरी लाकडाउन  छ। लाकडाउनको कारणले देशभित्र रहेका साँंस्कृतिक धरोहर मदरसाहरु बन्द हुने अवस्थामा समेत आइसकेका छन् । देशभर रहेका मदरसाहरुमा सरकारले अहिले सम्म दुई लाख एक्चालीस हजार रुपया वार्षिक अनुदानको रुपमा दिदै आएका थियो  र पाठ पठनमा लाग्ने अरु वार्षिक खर्च समुदायबाट चन्दा सदका फितरा उठाई मदरसाहरु संचालन गर्दै आएका थिए।तर यो वर्ष देशभरी नै पूर्ण रुपले लाकडाउन हुनाले अधिकाशं व्यापारीहरुको व्यापार समेत ठप्प रहेको छ। पूर्ण बन्दाबन्दीको अवस्थामा चन्दा जकात फितर संकलन नभएकोले मदरसाहरु संचालन गर्न पनि पूर्ण रुपले समस्या भएको भन्दै  राष्ट्रिय मदरसा संघ नेपालले आज एक प्रेस बक्तब्य समेत जारी गर्दै सरकारकको गम्भीर ध्यानाकर्षण गराएको छ ।  राष्ट्रीय मदरसा संघ नेपालका राष्ट्रीय अध्यक्ष डाक्टर अब्दुल गनी अलकुफीले त्यस बक्तब्यमा भनेका छन् —  अल्पसंख्यक मुस्लिम समुदायले संचालन गरेका शैक्षिक संस्था मदरसाहरुलाई विगतदेखि नै नेपाल सरकारबाट एक जना शिक्षकलाई समेत पारिश्रमिक दिन नपुग्ने जयादै न्यून अनुदान रकम उपलव्ध गराउंदै आएकोले हामीहरु चन्दा, दान र जकातबाट मदरसा संचालन गर्न बाध्य भएका छौं । नेपालमा संचालित मदरसाहरु नेपालका सांस्कृतिक धरोहर हुन् कुनै पनि मदरसा आर्थिक अभावको कारण बन्द हुने अवस्था नआओस् ।     तसर्थ अव आउने आ.व. २०७७÷०७८ को बजेटमा मदरसाहरुलाई दिइने अनुदान रकममा बृद्वि गरि कम्तिमा पनि दुई जना शिक्षकलाई पारिश्रमिक दिन पुग्ने गरि प्रत्येक मदरसालाई बार्षिक रु ७,५०,०००र( अक्षरेपी सात लाख पचास हजार रुपैया अनुदान रकम उपलब्ध गराउने वयवस्था गर्न राष्टिय मदरसा संघ नेपाल यस बिज्ञप्ती मार्फत नेपाल सरकार समक्ष हार्दिक अपिल गर्दछ भन्ने उक्त प्रेस विज्ञप्तिमा उल्लेख रहेको छ।   अल्पसंख्यक समुदाय अगाडी खास गरि यो बर्ष ठूलो चुनौति रहेको छ। यदि नेपाल सरकारले यो अल्पसंख्यक मुस्लिम समुदाय प्रति चासो देखाएन भने यो देशको एउटा सांस्कृतिक धरोहर बन्द हुने अवस्था समेत देखा परि रहेको छ। यो बिषयलाई उठान गरि अल्पसंख्यक मुस्लिम समुदाय प्रति बिचार गर्नाका लागि मान्नीय सांसदहरु संग अग्रह गर्नु भएको कुरा ५नं.प्रदेश मदरसा बोर्ड का उपाध्यक्ष मौलाना मसहूद खां नेपाली ले जानकारी दिएका छन् ।   उक्त प्रेस बक्तब्य राष्ट्रिय मदरसा संघ नेपाल का संस्थापक शमीम अहमद नदवी, प्रदेश नं.५मदरसा बोर्डका उपाध्यक्ष मौलाना मसहूद खां नेपाली, सत्ताधारी नेकपा कृष्णनगर नगर समिति अध्यक्ष जावेद आलम खां, राष्ट्रिय मदरसा संघ नेपाल का राष्ट्रीय उपाध्यक्ष शैख जैस मक्की, सदस्य मौलाना जहीर अहमद बरेलवी, सदस्य अनवर हाशमी र राष्ट्रिय मदरसा संघ नेपाल का राष्ट्रीय अध्यक्ष डाक्टर अब्दुल गनीको संयुक्त हस्ताक्षर छ ।  

लोकप्रिय

img-4.gif

सम्बन्धित समाचार


Leave a Comment

9f5e7db1d677b1906a34b1e17e0be317.gif