Saturday, 28 March, 2020    |    २०७६ चैत्र १५ गते , शनिवार

छुट्टै इतिहास र पहिचानको मधुर अबधि भाषाको संरक्षण हुनुपर्छ


२०७६ माघ १८ गते , शनिवार प्रकाशित

   निरहू यादव, कपिलवस्तु / इतिहास बोकेको र आफ्नो छुट्टै पहिचान भएको अवधी भाषा संरक्षणमा पत्रकारको भुमिका महत्वपुर्ण रहेको प्रदेश नं ५ का प्रदेश सांसद अर्जुन कुमार केसीले बताएका छन् । अवधी पत्रकार संघ नेपालका नव निर्वाचित पदाधिकारीहरुलाई प्रमाण पत्र वितरण कार्यक्रममा बोल्दै प्रदेश सभा सदस्य केसीले अवधी भाषा छुट्टै इतिहास र पहिचान बोकेको  मधुर, मिठासको खानी रहेको बताएका हुन् । उनले भाषा, कला, संस्कृति संरक्षणका लागि प्रदेशबाट विशेष योजना ल्याउने प्रतिबद्धता पनि व्यक्त गरे । सांसद केसीले सरकारले ल्याउन लागेको मिडिया विद्येयकबाट आधार बिना पुर्बाग्राही भावनाले समाचार लेखेर बिकृती फैलाउनेलाई नियन्त्रण गर्ने स्वतन्त्र स्वच्छ निष्पक्ष पत्रकारलाई नै राहत हुने समेत दाबी गरे ।   माघ ११ गते कपिलवस्तुको कृष्णनगरमा सम्पन्न दोस्रो अधिवेशनबाट निर्वाचित पदाधिकारीहरुलाई प्रमाण पत्र वितरण गरिएको थियो ।



उक्त कार्यक्रममा समाजवादी पाटीका शिवराज नगर अध्यक्ष कृष्ण कुमार चौधरीले पत्रकारहरुले अवधी भाषा संरक्षणका लागि गरेको यो प्रयास अति प्रशांसनिय रहेको बताए । चन्द्रौटा उद्योग वाण्ज्यि संघका अध्यक्ष जमशेर अलि मियाले पत्रकारहरु देशको चौथो अंग भएकोले सत्य तथ्य समाचार प्रकाशन, प्रशारण गर्नु पर्ने सुझाव दिए । त्यस्तै युवा नेता अजय थापाले पत्रकारहरुलाई सरकारले तर्साउने किसिमको मिडिया विधेयकले ल्याउन लागेकोले विद्येयक संशोधन गर्नु पर्नेमा जोड दिए ।     कार्यक्रममा अवधी पत्रकार संघ नेपालका केन्द्रिय उपाध्यक्ष सनिउल्ला धोबीले भाषा संरक्षणका लागि नेतृत्वले पहल गर्नु पर्ने बताए । उनले स्थानिय तहबाट भाषा संरक्षणको लागि बजेट विनियोजित गरी कार्यक्रम लागु गर्नु पर्ने सझाव दिए ।   अवधी पत्रकार संघ नेपाल कपिलवस्तु शाखाको दोस्रो अधिवेशनबाट अध्यक्षमा निरहु यादव निर्वाति भएका थिए । संघको उपाध्यक्षमा प्रतिमा विश्वकर्मा, अनेक पाण्डेय, सचिवमा राम लखन जयसवाल, सहसचिव सविता गुप्ता, कोषाध्यक्ष शाहबाज खान, सदस्य बृजेश यादव, धनिराम कोरी, प्रीन्स मिश्रा, महेन्द्र कुमार धोबी, कमलेश चन्द्र गुप्ता तेली निर्वाचित भएका थिए । ती सबै पदाधिकारीहरुलाई प्रमाणपत्र प्रदान गरिएको थियो ।    

सम्बन्धित समाचार


Leave a Comment

9f5e7db1d677b1906a34b1e17e0be317.gif